أربع مائة متر حواجز بشريّة

عندي توّا مديدة ما قمتش بممراسة أي نشاط رياضي مههما كان نوعه, تي قول عندي أربعة ولا خمسة سنين ما مشيتش بالزّربة
ألليلة أتيحتلي الفرصة باش نتنافس أنا و فرخ ولد حرام في سباق 400 متر حواجز بشريّة
الحكاية و ما فيها أنّو الفرخ نطرلي تلفوني وأنا مروّح للدّار و أنا كي البهلول نحكي مع الموجيرة الجديدة باش نقلها تصبحي علا خير ياخي شدّيت جرتو .. جريت جريت .. شي غلبني و دخل من زنقة خرج من لخرى .. أرض و كانتلو بلاّعة
أكثر حاجة غاضتني و أغاضتني فرد وقت هي أنو الفرخ تعدّى وسط قهوة و أنا نجري وراه و من بعدها تعدّى في وسط محطّة متاع كار .. يعني أنّو كان فمّا بالمرتاح 50 شخص (حاجز بشري) كان بامكانو باش يمدّلي يد(وإلاّ ساق و إلاّ حتى كتف) المساعدة باش نوقّف ولد الحرام و ناخو حقّي
الحاصل, دفع الله ما كان أعضم , باش ترصّيلي غدوة على الصباح في مركز شارل دي قول باش نعطيهم الكود متاع التلفوني